Afrikaanse Veldblomme
deur Christine Hugo
Haar naam is Wildesonsoekertjie. Sy het ‘n Poprosie in haar hare. Haar maats is Dwalende Jood, Mooinooientjie en Bobbejaanstert, haar hondjie.
Poprosie
Dwalende Jood
Mooinooientjie
Bobbejaanstert
Veldsambreeltjie
Voel
Sy voel die warm strale van die son. Sy het ‘n Veldsambreeltjie nodig of ‘n Moederkappie teen die son. Sy voel met haar vingertjie aan die Fluweelblom. So, sag en sê: “Ons moet oppas om nie in die Rasperdisseldoring te trap nie! Eina!”
Moederkappie
Fluweelblom
Rasperdisseldoring
Hoor
Hulle hoor die Purperwinde deur die veldgras waai. Die Boesmanrietjie fluit en die Grasklokkies lui in die môre stilte.
Grasklokkies
Bloupoeierkwassie
Sien
Wie sien Bloubietou, Bloupoeierkwassie, Blou-angelier, Bloutulp, Vleilelie, Graslelie en Vuurlelie eerste?
Blou-angelier
Vleilelie
Vuurlelie
Proe
As hulle honger is, kan hulle proe aan Botterblom, Wildepatat, Gemsbokboontjie, Muisvoëlkomkommer of Bobbejaandruif en Wildepynappel?
Maar wat van Koekbossie en Bergkatjietee?
Botterblom
Wildepatat
Wildepynappel
Koekbossie
Bergkatjietee
Katbos
Ruik
Ruik net die Katbos, Aasblom en Krismisblom, Kerrieblom en Wildeleeubekkie. Sy dink dat Pietersielietabak en Tamboekietwak lekker sal ruik as haar oupa dit in sy pyp rook.
Aasblom
Krismisblom
Kerrieblom
Wildeleeubekkie
Tamboekietwak
Sy pluk Wildejakobregop en Pienkheide vir Ouma se blompotjie op die Kassie voor haar bed.
Wildejakobregop
Pienkheide
Vieruurtjie
Vieruurtjie laat haar onthou dat dit tyd is om huis’ toe te gaan. Hulle stap verby Snotterbelletjie en Ploegbreker oppad na die hek toe. Kwaggaballetjies kruip weg in die gras. Op die Geelaandblom sit ‘n Borselpootskoenlapper en Wilde-ertjie se besoeker is Opaalskoenlapper.
Kortstertjie fladder op die Blaasertjie en vlieg weer weg.
Snotterbelletjie
Ploegbreker
Geelaandblom
Borselpootskoenlapper
Wilde-ertjie
Opaalskoenlapper
Kortstertjie
Blaasertjie
Die Maartlelie staan soos ‘n jong dame in pienk, wye dansrok getooi. As haar blomtyd verby is, raak die droë blomsteel los van die blare en wortels. Waai oor die veld en gaan rus teen die kamp se draad. Dan vertel Oupa van die Perdespook. ‘n Perd kan vreeslik skrik en snork as die droë Kandelaarblom, wat ‘n ander naam is vir dieselfde, deftige lelie, beweeg of rol in die wind.
Maartlelie
Bergbruidjie
Ook bekend as die trots van Franschhoek en “blushing bride”
Impalalelie
Ook bekend as die woestynroos, koedoelelie of “sabi star”
Bergaalwyn
Ook bekend as bitteraalwyn
Vygies
Daar is verskeie volksname vir die individuele spesies. Vygie is ’n baie breë, algemene benaming.
Kandelaarblom
Ook bekend as die koningskandelaarlelie, seeroogblom, lantanter, Maartblom, marsblom, perdespookbossie, rolbossie, en tanteletant
Rooi disa
Ook bekend as die trots van Tafelberg, die rooi bakkiesblom
Gousblom
Ook bekend die botterblom en rooi gazania
Kosmos
Ook bekend nooientjie-in-die-gras, duiwel-in-die-bos
Protea
Geel katstert
Koesnaatjie
Kraanvoëlblom
